Chevrolet Corvette 100 км/соат тезликка 2,8 сонияда эриша олади

Chevrolet Corvette ZR1 суперкари 96 км/соат тезликка 2,85 сонияда эриша олади. Автомобильнинг шу кунга қадар сир сақланган техник тавсифларини Харлан Чарльз Corvette Blogger’га берган интервьюсида маълум қилди, деб хабар берди Daryo.uz.

Шунингдек, суперкар 160 км/соат тезликка 6 сонияда эришади. Таъкидлаш керакки, ZR1 моделининг аввалги версияси 96 км/соат тезликка 3,7 сонияда чиқарди. 620 от кучига эга машинанинг максимал тезлиги соатига 322 километрга тенг эди.

Модификация қилинган ZR1 эса 765 от кучига эга саккиз цилиндрли 6,2 двигатели билан жиҳозланган. Агрегат етти поғонали механик узатмалар қутиши ёки саккиз диапазонли «автомат» билан биргаликда ишлайди.

Суперкар карбон капотга ва олд сплиттерларига, бундан ташқари иккита орт антиқанотларига эга.