Chevrolet Malibu, Mercedes C-Cласс, Hyundai Sonata ва бошқалар: 2016 йилнинг энг харидоргир седанлари

Focus2move сайти 2016 йил якунлари бўйича жаҳон бўйлаб энг талабгир бўлган ўрта ҳажмли седанлар рўйхатини эълон қилди. «Мотор» нашри рўйхатнинг дастлабки ўнлигини улашди.

Toyota Camry

Биринчи ўрин япон машинасозларининг маҳсулоти – Toyota Camry’га насиб қилди. Машина 2016 йилда 659 260 дона сотилган. 2015 йил билан солиштирганда, бу кўрсаткич 11,7 фоизга кам, лекин энг оммабоп седанга айланиш учун бу жиҳат халал бермади.

Honda Accord

Иккинчи ўриндан ҳам Япония маҳсулоти ўрин олди. Honda компанияси 2016 йилда янги Accord седанларининг 550 520 донасини сотишга муваффақ бўлди.

Volkswagen Lavida

3-ўрин эса олмон машинасозларига насиб қилди. Volkswagen компаниясининг Lavida седани 2016 йилда 546 809 дона сотилган. Бу кўрсаткич 2015 йилга нисбатан 15,6 фоизга кўпдир.

Volkswagen Passat

Volkswagen компаниясининг 526 572 та сотилган Passat седани ҳам кучли тўртликдан ўрин олган.

Hyundai Sonata

Ўзбекистонда ҳам энг оммабоп машиналардан бири бўлган Hyundai Sonata седанининг жаҳон бўйича сотуви 2015 йилга нисбатан 15 фоизга қисқариб, 382 672 машина билан бешликдан ўрин олди.

Nissan Sylphy

Олтинчи ўриндан Nissan Sylphy седани ўрин олди. Машина 2016 йилда 375 185 дона сотилган.

Buick Excelle GT

Еттинчи ўриндан Хитойда ишлаб чиқарилувчи Buick Excelle GT автомобили ўрин олган. Машина ички бозорда харидоргир бўлган. Седан 2016 йилда 373 307 дона сотилган.

Chevrolet Malibu

8-ўринда ўзбекистонлик автоихлосмандларга яхши таниш бўлган Chevrolet Malibu’нинг Америка бозорига мўлжаланган версияси эга чиқди. Мазкур автомобиль 2016 йилда 364 610 дона сотилган.

Mercedes-Benz C-Class

Мафтункор Mercedes-Benz C-Class 2016 йилда 359 760 та сотилди ва жорий рейтингнинг 9-ўрнида бормоқда.

Nissan Altima

10-ўринда – Nissan Altima. Мазкур седан ўтган йили жаҳон бўйлаб 334 101 дона сотилди.

Манба: Daryo.uz