Дунёдаги энг оғир велоcипед: янги рекорд
Германиянинг Шахт-Аудорф шаҳрида яшовчи Френк Доз исмли ҳайдовчи 940 килограммли велоcипедни яратди. Лекин 49 ёшли шоввоз бундан ҳам қаноатланмасдан унинг вазнини 1 тоннаю 200 килограммга кўтармоқчи.
Эслатиб ўтамиз, жорий рекорд 860 кг юк босадиган велоcипедни ясаган бельгиялик Джефф Питерсга тегишли. Бироқ германиялик ҳаваскор ундан ҳам ўтиб тушди. Френк велоcипеднинг рамаси ва бошқа асосий деталларини металл қолдиқларидан пайвандлаган, иккита бир ярим метрли ғилдираклар эса қишлоқ хўжалигида ишлаган техникадан олинган.
Френк Доз ушбу гигант велоcипедни лойиҳалаш ва йиғиш ишларига 2 йил вақт сарфлаган.
Девкелбат велоcипеднинг вазни 940 кг, бироқ Френк унинг вазнини 1 тоннадан ошириш мақсадида. Бунинг учун у великка яна бир нечта қисмларни қўшишни режалаштирган. Ана шунда немис дунёдаги энг оғир велоcипедни яратган киши сифатида расмий рекордни ўрнатади. Лекин бунинг учун яна гигант великда камида 200 метр йўл босиш керак бўлади.
Рекордни янгилаш жараёни 3-сентябрга режалаштирган. Энг қизиғи, Френк бу ишни ўз рафиқасини хушнуд этиш пайида амалга оширган. Эҳ, тиниб-тинчимаган немислар…