Энг бемаъни салонлар ўнлиги

Автомобиль дизайнерлари фантазияни баъзида бениҳоя ошириб юборади ва “ўтлаб” кетади. Қуйида автомобиль-концептларнинг ғалати интерьер жиҳозлари билан танишасиз.

Citroen Hypnos

Дизелли кроссовернинг ёндош ўриндиқлари бир-биридан сурилганлигини сезяпсизми? Камалак рангида тусланувчи ранглариничи? У ҳам майли, рангни борт компютери созлаб туришига нима дейсиз?

Isuzu 4200R

Ушбу “Исузу”ни саксонинчи йилларнинг ўртача концепт-кари дейиш мумкин эди, агар унинг бир хусусияти бўлмаганда. Гап шундаки, унинг марказий консолига… факс ўрнатилган.

Lancia Stratos Zero

Италиянинг Bertone дизайнерлик ательеси 1970 йилда ушбу келажак прототипини тайёрлаганига ақл бовар қилмайди. Салонга кириш, аниқроғи, тушиш учун қирувчи самолётдаги каби шиша қопқоқни кўтарасиз. Асбоблар панели эса ҳайдовчининг чап томонидаги каттакон панелга жамланган.

Rinspeed Budii

BMW i3 базасидаги Rinspeed концептининг рул колонкаси уч хил ҳолатда ишлайди. Иккита ҳолатидан иккала ўриндиқда фойдаланиш мумкин, учинчи ҳолатида эса рул йиғиштириб қўйилиб, автопилот ишлайди. Унда шоколад банкасини тутиб турадиган мослама ҳам бор.

Mazda MX-81 Aria

Концепт-кар амалда фойдаланишга ўнғай бўлиши шарт эмас, шекилли. Масалан, бу прототипда рулдан асар йўқ, ўрнида тасма ҳошияли асбоблар панели. Ўртасида эса телевизор.

GAC Witstar

Хитойнинг GAC компанияси тирсакқўйгичдек барча кўниккан қисмнинг баҳридан ўтган ва ўрнига балиқли аквариум жойлаштирган. Мана буни фантазия деса бўлади, нақ балиқли интерьер.

Oldsmobile Aerotech

Муаллифлар концептни самолётга ўхшатишга астойдил тиришганлиги учун интерьерни қирувчи самолётнинг тор кокпитига монанд ишлаган.

Nissan Pivo 2

Номини нега “пиво” қўйишгани номаълум. Прототипнинг штурвали ва тепкилари эшикка маҳкамланади, ҳайдовчи салоннинг ўртароғида, икки йўловчидан сал олдинроқда ўтиради. Худди McLaren F1 суперкаридаги каби.

Pontiac Stinger

Функцияларга бой рул чамбарагида бир талай тугмалар ва ёққичлар ўрнатилган. Қолаверса, салонда CD-плеер, радиоприёмник, кулер, фонар, иккита телефон ва боғчани суғорувчи ичаккача бор. Ичакни айтмагандан барча қўшимча деталлар, ҳақиқатан, керакли. Дарвоқе, соҳилбўйи баггиси 1989 йилда тайёрланганини эсингиздан чиқарманг.

Italdesign Machimoto

Таниқли дизайнерлик ательеси тайёрлаган 8 ўриндиқли родстерда йўловчилар худди отдагидек миниб ўтиради. Муаллифлар автомобиль ва мотоциклнинг гибридини ихтиро қилмоқчи бўлганликларини важ қилди.