Европанинг энг машҳур автомобиллари билан танишинг

Европа автомобиль бозорини таҳлил қилувчи JATO Dynamics компанияси февраль ойи ўрганишлари натижасини эълон қилди. Унга кўра ҳали ҳам Volkswagen Golf Европанинг энг машҳур автомобилилигича қолмоқда. Февраль ойида 36117 дона сотилди.

Иккинчи ўрин ҳам Фолксвагеннинг Polo русумига тегишли. Машҳур автомобилларнинг учинчиси Renault Clio бўлиб чиқди.

Ўнликдан мос равишда Peugeot 208, Ford Fiesta, Opel/Vauxhall Corsa, Fiat Panda, Skoda Octavia, Nissan Qashqai, Peugeot 308 автомобиллари ўрин олган.

Феврал ойида SUV сегменти автомобиллари савдосида катта ўсиш кузатилган – 31 фоиз. Шунингдек, спорткарлар савдоси ҳам 61 фоизга ўсган, аммо умумий автобозорда спорт автомобиллари ҳиссаси жуда кичиклигини айтиб ўтиш лозим.