Ford Британиядаги корхонасидан иш ўринларини қисқартирмоқчи

Ford корпорациясининг иш ўринларини ялпи қисқартиш тўғрисидаги қарорига Британиянинг Европа Иттифоқидан чиқиши сабаб бўлди. Бу хабарни “Financial Times” нашри АҚШ корпорациясининг матбуот марказига асосланганча тарқатди.

“Форд”, гўёки, рақобатбардошликни сақлаб қолиш учун ушбу чорага қўл уряпти. 2012 йилда ҳам Америка корпорацияси Қўшма Қиролликдаги икки корхонасини ёпиши оқибатида минглаб кишилар ишсиз қолган эди.

Британия ЕИдан чиққан тақдирда ҳам Toyota, Jaguar Land Rover ва Honda компаниялари туманли Албиондаги иш ўринларини қисқартирмоқчи эмас. BMW эса Brexit воқеасидан сўнг кескин қарорга қўл урмаслигини алоҳида айтиб ўтди.