General Motors янги электромобил ишлаб чиқаради

General Motors янги Electric Sierra  электромобили билан электромобиллар қаторини кенгайтиради. Тўлиқ электр пикап бозорга фақат энг машҳур Denali trim  даражасида чиқади ва GMS компаниясида учинчи электрокар бўлади. 

Компанияда GMC HUMMER EV Pickup ва GMC HUMMER EV SUV  каби электромобиллар мавжуд. Бозорни синчковлик билан ўрганиб чиқиб,  компания инновацион технологиялар соҳасидаги барча ишланмаларни ўзининг машҳур Sierra моделига ўтказишга қарор қилди. Компаниянинг таькидлашича, электр Sierra Denali  улкан имкониятларга эга.

GMC HUMMER EV сингари, Sierra ҳам мижозлар GMS пикапларидан кутган юқори сифатли имкониятлар ва хусусиятларга эга Ultium платформасида қурилади.

Электр пикап 2022 йилда тақдим этилиши режалаштирилган. Электромобилни серияли ишлаб чиқариш Мичиган штатининг Детройт ва Гамтрамк шаҳарларидаги General Motorsс ZERO заводида йўлга қўйилади, дея хабар беради General Motors Марказий ахборот хизмати.