Hennessey Performance ательеси Ford Focus RS моделини янада кучайтирди

АҚШнинг Hennessey Performance ательеси Ford Focus RS моделининг 405 от кучига эга кучайтирилган вариантини яратди. Шунингдек, муҳандислар 2,3 литрли 4-цилиндрли EcoBoost двигателининг айланиш моментини 576 Нм (стандарт версияда 101 Нм) бирликка оширишга муваффақ бўлишган. Бу Ford Focus RS стандарт версиясидан 55 та от кучига ортиқ. Механиклар қаршиликсиз янги ҳаво фильтри, зангламас пўлатдан ясалган чиқариш коллектори ва двигателни бошқаришнинг оптималлаштирилган электрон блоки ёрдамида мана шундай кўрсаткичларни қайд этишган. Автомобилга юқорида келтирилган модификациядан ташқари бошқа ўзгариш киритилмаган.

Ford Focus RS’га мўлжалланган Hennessey HPE400 тўплами 2 995 АҚШ доллари нархида сотилмоқда. Тўпламни автомобилга ўрнатиш учун яна тахминан 2000 доллар сарф этиш талаб этилади. Ателье Форднинг ушбу моделини янада кучайтиришни мақсад қилган. Бу гал улар моделни 500 та от кучи билан қувватлантиришни режалаштиришмоқда. Янги тюнинг тўпламига юқори самарали интеркурер, зангламас пўлатдан ишланган чиқари коллектори, замонавий турбина ва янги дискларнинг ҳам  киритилади.