Herzog Conte Schwimmwagen – энг кўримсиз автомобил-амфибия

Агар автомобиль дизайни борасидаги дидингизни ўтмаслаштиришни истамасангиз, бу амфибияга кўп қараманг. Чунки Herzog Conte Schwimmwagen серияли равишда ишлаб чиқарилган энг хунук автомобиль-амфибиядир.

Conte Schwimmwagen (“сузувчи машина”) Herzog компанияси томонидан 1979 йилда тақдим этилган. У Ford Granada асосида тайёрланган. 2,3 литрли (114 от кучига эга) ҳамда 2,8 литрли (135 от кучига эга) двигателлар ўрнатилган. 2340 кг вазни ва аэродинамикаси ёмонлигига қарамасдан қуруқликда соатига 160 км тезликда ҳаракатлана оларди.

Conte Schwimmwagen юмшоқ ва қаттиқ томли версияда ишлаб чиқарилган. Кўримсиз дизайнидан харидорлар ҳар томонга тарқаб кетар эди.

“Иркит ўрдакча”ни тайёрлаш бир йил давом этган, неча нусха ясалгани ҳақида маълумот йўқ.