Honda Mazda MX-5га рақобатчи тайёрлайди

Янги моделнинг мотори олдида жойлашган, узатма эса орқа ғилдиракни ҳаракатлантиради. Хондачилар Mazda MX-5дан кўра тезкорроқ спорткар ишлаб чиқаришга бел боғлаган. Бунинг учун S2000 номли бўлажак рақобатчига 1,5 литрли турбомотор ўрнатилади. Мотор қуввати 180 от кучига тенг.

Янги спорткарнинг яна бир шиддаткор вариантига 2 литрли 310 от кучига тенг қуввати бор турбомотор ўрнатилади. Иккала двигатель версиялари ҳам 6 поғонали механик трансмиссия билан ишлайди.

Тахмин қилинганидек Honda S2000 гибрид бўлмайди. Аммо компания келажакда гибрид модель яратиш устида бош қотирмоқда.