Honda Yaponiyada ishlab chiqarishni 40 foizga qisqartiradi

Honda Yaponiyadagi zavodlarida ishlab chiqarish rejasini qayta ko'rib chiqish niyatida ekanligini ma'lum qildi. Reuters xabariga ko‘ra, logistika bilan bog‘liq muammolar va yetkazib berishdagi uzilishlar tufayli kompaniya rahbariyati ishlab chiqarishni 40 foizga qisqartirishga qaror qilgan.

Saitamadagi zavodda rejalashtirilgan avtomobil ishlab chiqarish 40 foizga, Suzukadagi yig‘ish maydonchasi esa 30 foizga qisqaradi. O'zgarishlar sentabrdan kuchga kiradi.

Shu bilan birga, avgust oyida ishlab chiqarish mos ravishda 10 va 30 foizga qisqaradi.

Zavodlarda Vezel krossoverlari, Stepwgn minivenlari va Civic oilasi yig'iladi.

Avtogigant rahbariyati yarimo‘tkazgichlar yetishmasligi sababli shunday qadam tashlashga qaror qildi. Bundan tashqari, elektron komponentlarni etkazib berishga yangi Covid-19 epidemiyasi katta ta'sir ko'rsatdi.

Shu bilan birga, Honda so'nggi paytlarda avtomobil chiplari taqchilligi pasayishni boshlaganini ta'kidladi.
2022-yilning bahorida Hondaning asosiy raqobatchisi Yaponiyaning avtomobil giganti Toyota ichki bozordagi zavodlarida ishlab chiqarishni 5-20 foizga qisqartirgan edi. Cheklovlar ikkinchi chorakda mavjud edi va shuningdek, komponentlarning yetishmasligi bilan bog'liq edi.