Hyundai Accent — АҚШ талабалари орасида энг оммабоп модель

Hyundai Accent ўзининг арзон нархи, замонавий дизайни ва яхши техник параметрлари туфайли АҚШдаги талабалар орасида энг оммабоп модель деб топилган.

Автомобиль кам ёнилғи сарфлайди, ташқи дизайни ҳам кишининг эътиборини тортади. Hyundai Accent’нинг салони етарли даражада кенг, стандарт комплектация ҳам яхши асбоблар панелига эга.

Оммабопликда иккинчи ўринни Honda Fit модели эгаллаган. Ушбу минивэн оддий кўринишга эга бўлса-да, кучли динамика билан ажралиб туради. Рўйхатнинг учинчи ўрнини Ford Focus банд этган. Моделнинг учинчи авлоди ўзининг спорт дизайни билан кўпчиликнинг эътиборини тортган.  Автомобиль турли параметрларни созлаш ва чеклашга ёрдам берадиган  MyKey тизими билан таъминланган.

Тўртинчи ўринда Fiat 500 модели келмоқда. Хэтчбек аввалроқ кўпчиликнинг диққатини тортмаган бўлса-да, вақт ўтиб харидорларнинг унга муносабати ўзгарган.