Hyundai ёнилғи элементида ишлайдиган биринчи Tucsonни ишлаб чиқаради

Жанубий Кореядаги Hyundai заводидаги манбанинг етказишига қараганда ихчам кроссовернинг ёнилғи элементида ишлайдиган тури ишлаб чиқарилишига яқин қолди. Hyundaiнинг водород ёнилғисига ишлайдиган автомобиллари сафи узаяди ва ix35 Fuel Cell ёнига Tucson ҳам қўшилиш арафасида.

Hyundai Tucson 2004 йилда ишлаб чиқарилган бўлиб, Аризона штатидаги Тусон шаҳри номи билан аталган. 2005 йилда Канаданинг “Йил автомобили” мукофотини олган.

Hyundai мутахассислари машинани тўла водород ёнилғиси билан 800 км йўл босадиган даражага етказишни кўзлаяпти. Шу билан бирга автозавод ёнилғи тўлдирувчи станциялар инфраструктурасини кенгайтириш бўйича режа ишлаб чиқмоқда. Бу водородли автомобиллар харидорлари кўпайишига туртки беради.