“Иккинчи қўл” машиналар савдоси бўйича ВАЗ-2107 етакчи

Россия автобозори таҳлилчилари тузган рейтингга кўра “минилган” автомобиллар орасида энг бозори чаққони “ноль етти”дир. Эътиборли жиҳати шундаки, автосалонларда бу машина йўқ, аммо аҳоли бу машинани ёқтиргани учун ҳанузгача “иккинчи қўл”лардан сотиб олмоқда. Ўтган ойда 14 700 дона ВАЗ-2107 сотилганини статистика кўрсатди.

“Ноль етти”дан ташқари яна бир рус автомобилига бозорда талаб юқори. Бу ВАЗ-2114 русуми бўлиб, ўтган ойда 14 200 дона сотилган (+7,5). Йилнинг биринчи чораги бўйича энг яхши натижа ВАЗ-2114га тегишли. Фақат апрелда иккинчи ўринга тушиб қолган.

ВАЗ 2114

Ўтган 4 ой мобайнида 45 900та ВАЗ-2107, 48 400та ВАЗ-2114 сотилган.

ВАЗ-2110

Рўйхатнинг учинчи поғонасида ҳам Россияда ишлаб чиқарилган автомобиль ВАЗ-2110 11,5 минглик кўрсаткич билан турибди. “Минилган” хорижий русумлар орасида Ford Focus етакчи: 11,4 мингта сотилган.

Ford Focus