Испания Европада энг кўп автомобиль ишлаб чиқарадиган иккинчи давлат

Айтилишича, нафақат Германия кўп миқдорда автомобиль ишлаб чиқарар экан. Шу билан бирга испаниялик автомобиль ишлаб чиқарувчилар ҳам аналитиклар эътиборини жалб қилган. Ўтган йили Испанияда оз эмас кўп эмас, нақ 2,7 млн дона автомобиль тайёрланган. Бундан 80% эса экспорт қилинган.

Бундай юксалишга сабаб қилиб мамлакатда иш кучининг арзонлиги кўрсатилмоқда. Шунингдек, Испания меҳнат қонунчилигида 2012 йилда ўтказган ижобий ислоҳотлар ҳам бугун ўз таъсирини кўрсатмоқда.

Натижада бир қатор автомобиль ишлаб чиқарувчи халқаро компанияларнинг йирик сармоялари жалб этилган. Масалан, Памплонда жойлашган испан автомобиль ишлаб чиқарадиган корхонасига Volkswagen 1 млрд евро миқдорида сармоя киритиш истагини билдирган. Яна шуни таъкидлаш керакки, Испаниядаги Nissan корхоналарида ўтган йили 581 000 дона автомобиль тайёрланган.