Жаҳондаги энг катта электромобиль бозори Хитойда бўлади

Хитой автомобиль саноати уюшмаси башоратига кўра, жорий йилда мамлакатда сотилган электромобиллар 220-250 мингга етди. Ушбу кўрсаткич бўйича Осмоности ўлкаси АҚШдан ўзиб кетиб энг катта бозорга айланди.

“Дунё бўйича 600 минг электромобиль сотилган, шундан 180 минги Америка ҳиссасига тўғри келади”, дейди уюшма раҳбарининг ўринбосари. Унинг таъкидлашича, гарчи электромобиллар сони ортаётган бўлса-да, автосаноат тараққиётида сифат устувор ўрин эгаллаши керак. Хусусан, транспорт воситаси хавфсизлиги ҳамда аккумулятор сифатини синовдан ўтказиш лозим.

Субсидия ва солиқ сиёсати воситасида Хитой ҳукуматининг қўллаганлиги туфайли сўнгги икки йилда мамлакатда “яшил автомобиллар” сони тез ўсди.