Жанубий Корея биринчи марта ҳайдовчисиз автомобилни рақамлади

Hyundai компаниясининг ҳайдовчисиз машинаси вақтинча рақам олди, деб хабар берди “Ренхап”. Рақам тижорий синфга мансуб Genesis седанига берилди. Тантанали маросимда КРнинг ер, инфраструктура ва транспорт вазири иштирок этди.

Махсус тизим билан жиҳозланган машина умумфойдаланиш йўлларида олтита йўналишда юриши мумкин. Лицензия беш йилгача амал қилади.

Жанубий Кореялик автомобилсозлар мазкур соҳада Tesla ва Google каби рақобатчиларидан орқада қолгиси йўқ.