Kia янги Rioнинг спортча версиясини кўрсатди

Шу йилнинг баҳорида Европада беш эшикли Kia Rio GT-Line хэтчбеки сотила бошлайди. Сиз қуйида бу хэтчбекнинг расмларини кўриб турибсиз.

Автомобиль ўзига хос олд бампери ва кундузги диод чироқлари билан спортча қиёфага кирган. Радиаторининг панжаралари қора, янгиликларни санайдиган бўлсак, бир жуфт тутун чиқариш қувури ва 17 дюймли енгил қотишмали ғилдирак дискларга эга.

Салонда спортча янги руль пайдо бўлган, карбон қопламалар, 7 дюймли экрани бор мултимедиа тизими машинани кўркам кўрсатади.

118 от кучига эга мотор механик узатмалар қутиси билан ишлайди.

GT-Lineнинг спортча версияси учун кучлироқ двигатель танлаш лозим эди, деб ўйлайсизми? Аммо русумнинг энг кучли версияси шунинг ўзи.