Koenigsegg тилларанг Agera RS Naraya суперкарини намойиш этди

Таниқли швед автомобиль ишлаб чиқарувчиси Koenigsegg ўзига хос Agera RS Naraya суперкарини намойиш қилди. 18-каратли олтин билан безатилган ушбу автомобилнинг дебюти Salon Privé номли ҳашамдор машиналар танловида бўлиб ўтган.

Модель олтинранг қопламдан ташқари кўк рангли карбондан ясалган кузов билан ажралиб туради.  Шу билан бирга интерьер безагида ҳам кўк карбондан фойдаланилган. Бироқ тилларанг қоплам суперкарнинг энг аҳамиятли қисми ҳисобланади.

Ҳашамли автомобилнинг безак ишларини бажариш учун италиялик Этторе “Бластер” Каллегаро лойиҳага таклиф этилган. Икки ҳафта давомида дизайнер суперкарнинг ташқи томонини             18-каратли олтин билан қўлда безаб чиққан. Шунингдек, суньий олмослардан (155 дона) яратилган махсус табло дизайн ишларининг кульминацияси айланди.

Agera RS Naraya’нинг узунлиги — 4,3 метр. Автомобиль конструкцияси карбон, альюминий ва кевлардан ясалган. Автомобилдаги яна бир эътиборни тортадиган нарса бу унинг номи. uincar.ru нашрининг хабар беришича, автомобилга унинг янги соҳибаси шундай ном берган. Стандарт Koenigsegg Agera RS каби эксклюзив суперкар ҳам 5,0 литрли альюмин V8 турбо-твин мотор билан қувватланган. Агрегат 1,160 от кучига эга, айланиш моменти – 1000 Нм (энг кучли момент – 1280 Нм).