Lada Granta Sport янада арзонлаштирилди

Lada Granta Sport седани Light  деб номланган соддароқ жамланмага эга бўлди. “Автосреда” хабарига кўра, мазкур модел нархи 523 минг рубль (1 рубль – 42,50 сўм, ЎзР МБ)ни ташкил этади. Хабарларга кўра, янги модел яқин кунларда савдога чиқарилади.

Олий тоифали намунасидан фарқли равишда, Luxury деб номланаётган автомобиль заводдан йўловчи хафсизлик ёстиқчаси, сигнализация, туманга қарши чироқ, ташқаридаги ҳарорат датчигисиз чиқарилади. Шунингдек, унда орқа эшиклар ойнасининг электр ёрдамида кўтарилиши, олд ўриндиқларнинг иситилиши, ташқи ойналар қиздирилиши, парктроник (автомобиль орқасига ўрнатилувчи яқинлашиш датчиги) ҳамда ёмғир ва ёруғлик датчиклари мавжуд эмас. Granta Sport Light`да иқлим тизими ўрнига кондиционер ўрнатилган.

Light модификацияси амортизаторлар, ҳайдовчи хавфсизлик ёстиқчаси, мультимедиа, олд ва орқа ғилдиракларда дискали тормозлар, ABS+BAS, EBD, олд эшиклар ойнасининг электр ёрдамида кўтарилиши, спойлер (автомобиль ортига ҳаво қаршилигини енгиш ва безак сифатида ўрнатиладиган қанотсимон мослама) ва 16 дюм (1 дюм- 2,54 см)ли ғилдирак дискалари сингари спорт созламаларига эга.

Эслатиб ўтамиз, яқин кунларда АвтоВАЗ NFR (Need for Race) деб номланган модификацияланган Lada Kalina спорт машиналарини савдога чиқаради. Автомобиль 1,6 литрли бензинли двигатель билан таъминланиши кутилмоқда. Мотор қуввати эса 140 от кучини ташкил этади. Машина биринчи 100 км/соат тезликка 8,9 сонияда чиқади. Энг юқори тезлиги эса соатига 207 километрни ташкил этади.