Lada Vestaнинг янги комплектациялари Ўзбекистонда мартдан бошлаб сотилади
Сарлавҳадаги хабарни sputniknews-uz сайти келтирмоқда. Баҳордан Лада Вестанинг «Оптима», «Комфорт» ва «Люкс» комплектациялари мамлакатимизда сотила бошлайди, нархлар 12 минг доллардан ошмайди, демоқда Lada Uzbekistan дилерлик маркази.
Янги Lada Vesta 1,6 литрли бензинли двигателга эга, мотор қуввати 106 от кучига тенг. Шаҳар ичида 100 кмга 7 литр ёнилғи сарфлайди. Седан иккита хавфсизлик ёстиқчаси, кондиционер, ABS ва курс барқарорлиги тизими билан жиҳозланган.
Lada автомобилларига Тошкентдаги Lada автосалони орқали буюртма бериш мумкин.