LaFerrari суперкарининг расмий суратлари ёйилди

Италияликларга мансуб янги родстернинг суратлари Ferrari компаниясининг “Твиттер” саҳифасида эълон қилинди.

Ferrari LaFerrari Spider деб аталувчи суперкарнинг техник тавсифи расман ошкор этилмади. Суперкар аввалги LaFerrari купеси сингари 6,3 литрли, 12 цилиндрли атмосферали двигатель ва электромотор билан ишлаши кутиляпти. Тўла қуввати 963 от кучига тенг. Юз тезликка 2,8 сонияда эришади, тезлигининг энг юқори нуқтаси 350 км/соат.

Дастлабки хабарларга кўра, 150 дона Ferrari LaFerrari Spider ишлаб чиқарилади. Баҳоси 3,5 млн евродан.

Айтганча, яна бир қизиқ янгилик. Асл суперкардан ташқари коллекцион нусхаси ҳам ишлаб чиқарилмоқда. Икки томчи сувдек ўхшаш қизил рангли нусха баҳоси… 430 доллар!