Lamborghini Aventador русумининг беш мингинчи нусхаси чиқди
Италия автомобилсозлик компанияси кунни нишонлашнинг йўлини топди: Авентадор русумининг 5000-нусхаси конвейердан чиқди. Энг биринчи Авентадор бундан 55 ой аввал чиқарилган.
Суперкарга 6,5 литрли 12 цилиндрли двигатель ўрнатилган бўлиб, 700 от кучига эга. Энг юқори тезлиги 350 км/соатга етади. 100 км/соат тезликка 2,9 сониядаёқ эришади. Нархи 350 минг доллар атрофида.
Lamborghini Aventador LP 700-4 автомобили Need for Speed: The Run компьютер ўйинида иштирок этган. Шунингдек, “Форсаж-7” фильмида ҳам Aventador суратга тушган.
Аммо Авентадор компаниянинг энг яхши сотилган Lamborghini Gallardo спорткарига етишишига анча бор. Gallardo 14 мингдан ортиқ нусхада ишлаб чиқарилган.