МАЗ Африка учун йўлтанламас автобус ишлаб чиқарди

Автобусни жамоатчилик “барча замонларнинг энг ностандарт автобуси” дея қаршилади. Аммо Минск автозаводи африкалик буюртмачининг талабига тўла мувофиқ русум яратилганлигини таъкидлаяпти.

Автобус МАЗ-5336 юк машинасининг узайтирилган шассисига қурилган. Узунлиги 11,5 метр. Ундаги ЯМЗ-236БЕ2 двигателининг қуввати 250 от кучига тенг, узатмалар қутиси Fast Gear Хитойники.

МАЗ биринчи авлод автобуслари компонентлари ёрдамида ҳайдовчи ўриндиғи жуда содда ишланган. Салонда 43 кишига жой бор, автобус жами 65 йўловчини сиғдиради.

Кузов ғоят содда ва таъмирлаш осон тарзда ясалган. Томида юкхонаси бор. Томга нарвон орқали чиқилади.

Дарвоқе, салонга сиғмаган йўловчилар нарвондан чиқиб автобуснинг томида кетса бўлади. Том пишиқ ишланган бўлиб, 3 тонна юкни кўтаради.