Mercedes-AMG электрли суперкар тайёрлайди

Mercedes-AMG бўлинмасининг раҳбари Тобиас Мёрс Австриянинг Drive нашрига янги русумлар чиқариш режалари билан ўртоқлашди.

Янги электрокар Mercedes-Benz SLS Electric Drive русумининг давомчиси бўлади. Шу билан бирга минг от кучига эга гибрид суперкар ишлаб чиқарилади.

“Бир биратўла кўпгина лойиҳалар устида ишлаяпмиз, жумладан гибрид ва электрокарлар билан бирга (янги 1000 от кучига эга) гиперкар ҳам чиқарамиз. 2020 йилгача тўла электрли русум чиқариш режамиз йўқ, аммо бу ҳақда мендан сўрасангиз, ишонтиришим мумкинки, эртами-кечми тўла электрда ишлайдиган AMG яратилади. Акс ҳолда бренд йўқ бўлиб кетади”, деди Mercedes-AMG бошлиғи Тобиас Мёрс

Эслатиб ўтамиз, Mercedes-Benz SLS Electric Driveга жами қуввати 740 от кучига тенг бўлган тўрт электромотор ўрнатилган. SLS Electric Drive Нюрбургрингда электромобиллар мусобақасида ўзини кўрсатган. Мёрс ғурур билан бу автомобиль 6 йил аввал ишлаб чиқилганини ва бугун қандай натижаларга эришишларини тасаввур қилиш мумкинлигини таъкидлайди.