Месси дунёдаги энг қиммат автомобилни харид қилди

Аргентина терма жамоасининг ҳужумчиси Лионель Месси энг қиммат машина соҳибига айланди.

Испаниянинг Sport нашри ўз манбаларига таяниб, 1957 йилда ишлаб чиқарилган Ferrari 335 S Spider Scaglietti автомобили машҳур футболчига 32 млн еврога сотилганини хабар бермоқда.

Автомобиль Париж шаҳрида кимошди савдосига қўйилган. Ноёб машинанинг бошланғич баҳоси 20 млн еврога белгиланган. Автомобилга яна бир машҳур футболчи Криштиану Роналду ҳам қизиқиш билдирган, аммо шахсини сездирмаган киши якуний нархни белгилаб автомобиль соҳибига айланган. Манбалар 32 млн евро тўлаган киши Лионель Месси эканлигини айтмоқда, аммо футболчининг расмий вакиллари бу хабарни рад этишди.

Ferrari 335 S Spider Scaglietti 1957-1958 йилларда ишлаб чиқарилган бўлиб, 4 литрли V12 двигателга эга, 390 от кучи бор. Энг юқори тезлиги 305 км/соат. Атиги тўрт нусха ишлаб чиқарилган.