Мутахассис маслаҳати: BMW X5’га муқобил қандай автомобиль олишни маслаҳат берасиз?

Савол: 

Салом.  Менга машина керак, қанақасини олишни билмаяпман.  Ўзим АҚШдаман,  бу ерда BMW Х5 ҳайдайман.  Шунга мос, унинг ўрнини босадиган нима олсам бўлади?

Жавоб:

Биринчидан, қандай сегментдаги машина ҳайдамоқчисиз? SUV’ми (йўлтанламас), Sedan’ми, Crossover, Van ёки Coupe’ми (икки эшикли),  шуни билиш керак.  Шунга қараб оптимал машина танлаш мумкин.

Яна бир нарсани билиш керак, машиналарнинг яхшиси қимматроқ бўлади.  BMW Х5’га муносиб айрим вариантларни тавсия қилишим мумкин.

SUV тоифаси:  Mercedes GL-450, 550 , Lexus LX-570, GX-460, Cadillac Escalade.

Агар бундан ҳам яхшироқ бўлсин десалар, у ҳолда RR HSE Sport ёки Mercedes G-55 AMG’ни тавсия қиламан.

Арзонроқ SUV олмоқчи бўлсалар, қуйидагилар яхши: Mercedes ML-350 ёки Lexus RX-350, нархлари BMW Х5 билан бир xил.

Sedan тоифаси: Audi A8L, Audi A5, Mercedes E-350, Dodge Challenger R/T, Lexus GS-350F ва Tesla S (Бу қиммат модел ҳозир арзонроқ бўлиб қолган).

Янада арзонроқларини сўрасангиз, Mercedes CLA, Lexus IS-250, Ford Taurus (охирги моделлари Jaguar’нинг мотори билан чиқмоқда), Mini-Cooper S (BMW 328 мотори билан чиқмоқда), Nissan Maxima S, Lincoln MKZ кабиларни маслаҳат беришим мумкин.

Crossover тоифаси:  Porsche Panamera, Acura ZRX, Audi A7.

Coupe тоифаси:  Mercedes CL-550, Honda 2000S, Mercedes CLK-350, 550, Nissan Z370 Nismo.

Бу моделлар синовдан ўтган ҳамда турли даражада дунёда совринларни қўлга киритган ва кўп сотилган машиналар ҳисобланади.  Агарда имкон бемалолроқ бўлса, у ҳолда биринчи навбатда Nissan-GT-R’ни маслаҳат бераман. Ундан кейин Tesla S’ни ва ундан кейин Mercedes AMG’нинг хоҳлаган моделини, кейин эса BMW’нинг М моделларини ва охирида Аudi’нинг RS ва S моделларини маслаҳат бераман.  Сўнгги моделлар автоҳаваскорлар юрагидаги қоннинг тезроқ юришига ва юракни адреналинга тўлдиришига алоҳида хизмат қилиши аниқ. 🙂

Сизга ўз севимли автомобилингизни топишингизда омадлар тилаб қоламиз.