Немислар McLaren 650Sни қиёмига етказди

Германиянинг Gemballa тюнинг-ательеси Макларенни такомиллаштиришга жазм қилди.

Тюнинг-ателье бир-биридан қизиқ лойиҳаларни амалга оширмоқда. Масалан, Gemballa GT спорт автомобили McLaren 650S русумининг қиёмига етказилган нусхасидир. Тўлдириш ишларига 33900 евро сарфланган.

Бу нархга янги тўсқич (обвес), аэродинамик ён этаклар ва диффузорли орқа бамперлар (машинани ерга босиб турғунлигини оширади) билан машинани жиҳозлаш мумкин. Салон, чарм, алкантар ва карбон материаллари билан сайқал топади.

3,8 литрли би-турбо “саккизлик” двигатель қўйилгач, мотор қуввати 650дан 670 от кучига, айлантириш моменти эса 678дан 726 Н∙мга ошди. Янги “туғилган” спорткарнинг динамик тавсифи аён қилинганича йўқ. McLaren 650S юз тезликка 3,2 сонияда чиқади, энг юқори тезлиги 328 км/соат.

Carzone.uz изоҳи: Тюнинг — автомобилнинг заводдан чиқарилган кўрсаткичларини ўзгартириб ишлов беришдир. Одатда, бу жараёнда двигатель қуввати ва унумдорлиги оширилади, салон ўзгаради, натижада автомобиль соҳибига янада қулай ҳолга келтирилади. Тюнинг автомобиль ишқибозларининг хоббиси ёки касбидир.