Nissan компанияси Ariya Single Seater пойга электромобилини намойиш этди

Nissan компанияси Ariya электрокросс услубидаги бир ўриндиқли Ariya Single Ceater электр пойга автомобилини тақдим этди. Ҳозирча фақат виртуал маконда мавжуд бўлган лойиҳа тўлиқ электр Nissan Ariya қувват стансиясидан пойга моделида фойдаланишни коʻрсатиш учун яратилган.

Япония автомобил ишлаб чиқарувчиси матбуот хизматининг маьлум қилишича Ariya Single Seater кўринишидан “худди ҳаво оқимидан ҳосил бўлган”га ўхшайди. Олд томонда Nissan ишлаб чиқарган автомобилларининг замонавий услубларини эслатувчи V шаклидаги белгидан фойдаланилган. Ташқи панеллар углерод толасидан ишланган.

Tommaso Volpe, Nissan Motor автоспорт бўлими раҳбари:

Nissan Ariya Single Seater консепти ўзида тўлиқ электр қуввати, иккита электромотор ва Ariya тўлиқ узатмали тизимини пойга шассиси билан бирлаштиради. Бу электр транспорт воситалари қанчалик тезкор бўлишининг яққол намойишидир.

Nissan ҳеч қандай техник хусусиятларни ошкор қилмади. Ниссан Ариядаги иккита электр мотор 394 от кучига эга эканлиги ҳозирча ягона маьлумот бўлиб турибди.

Япония компанияси Ariya Single Seater истиқболлари ҳақида ҳеч нарса демади: унинг тўлиқ ўлчамли прототипини яратиш режалаштирилганми ёки йўқлиги номаьлум.

Эслатиб ўтамиз, Nissan соф электромобиллардан фойдаланадиган Formula E пойга сериясининг аъзоси ҳисобланади.