Nissan уч бурчакли спорт автомобили концептини кўрсатди

Янгиланган нишона нусха Nissan BladeGlider Concept деб аталади. 2013 йилда кўрсатилган биринчи вариантидан дизайни ва техник жиҳатдан фарқ қилади.

Учбурчак спорткар Nissan бўлинмаси Nismo ва двигателлар тайёрловчи Williams Advanced Engineering компанияси мутахассислари томонидан ишлаб чиқилган.

Спорткар “дрифт”, “энг яхши бошқарилувчи” сингари бир неча хил режимларда ишлайди. Анъанавий орқани кўрсатувчи кўзгуси йўқ, унинг ўрнига видеокамера ишлатилади. Узатилган тасвир рулнинг ўнги ва чапида жойлашган мониторларда акс эттирилади.

Nissan BladeGlider Concept ялпи ишлаб чиқарилиши санаси аниқ эмас. Renault-Nissan алянси бошлиғи Карлос Гон “Nissan BladeGlider автомобилни чиндан севадиганлар учун мўлжалланган. У яқин келажак электрли спорткари қандай бўлишини намойиш этади”, деди.

Спорткар нархи 40 минг долларни ташикл этиши мумкин. Тажриба нусхаси ҳозирда Бразилиянинг Рио-де-Жанейросида турибди. Бу шаҳарда 2016 йилнинг ёзги Олимпия ўйинлари ўтказилиши мўлжалланган, ҳомий эса Nissan компаниясидир.