Peugeot ва Citroen пикап ишлаб чиқармоқчи

PSA Peugeot Citroen гуруҳи ўрта ўлчамли пикап устида иш олиб бормоқда. Бу ҳақда Autocar нашри ўз ахборот манбасига таяниб хабар қилди.

Peugeot томонидан чиқарилган энг сўнгги пикап 504 модели эди. Унинг ишлаб чиқарилиши Францияда 1996 йилда тўхтатилганди. Аргентинада Peugeot 504 Pick-Up 2000 йилга қадар, Нигерияда эса 2006 йилгача ишлаб чиқарилган эди.

Янги модел ишлаб чиқарилиши тўғрисида 5 апрелда расман эълон қилиниши кутилмоқда. Шу куни француз альянси келгуси олти йил учун тарққиёт стратегиясини тақдим этади. Айни пайтда эса режанинг ички номи «Push to Pass» экани маълум.

Тахминларга кўра, пикап Toyota ёки Fiat компаниялари билан ҳамкорликда ишлаб чиқилади. Айни пайтда французлар ва японлар Toyota Proace, Peugeot Expert ва Citroen Dispatch моделларида минивэнларнинг айни битта агрегатидан фойдаланиб келмоқда, итальянлар билан эса – Fiat Ducato, Peugeot Boxer ва Citroen Jumper моделлари.

PSA Peugeot Citroen томонидан ишлаб чиқариладиган пикап Ford Ranger, Mitsubishi L200, Nissan Navara ва Volkswagen Amarok каби автомобилларга рақобатчи бўлади. Бундан ташқари, кейинроқ мазкур сигментда Mercedes-Benz ва Renault компанияларининг пикаплари ҳам пайдо бўлади.