Полиция яна "Cоbalt" автомобилини танлади

Ишончли ва қулай Chevrolet Cobalt яна ҳуқуқ-тартибот идоралари ходимларининг танловига айланди. Ўтган йилнинг ноябр ойида Қозоғистоннинг икки вилоятининг полиция хизмати УзАуто Моторс томонидан ишлаб чиқарилган Cобалт автомобилларини сотиб олгани ҳақида маълумот берган эдик.

УзАуто Моторснинг хабар беришича, Украинадаги Чевролет оммавий сегментининг расмий дистрибютори бўлган “Равон Моторс Украине” миллий полиция фаолиятида қулайликлар яратиш учун Cobalt автомобилларини етказиб берди. Компания Украинанинг Киев вилояти полиция бошқармаси томонидан Cobalt сотиб олишда автомобилларнинг қулай нархи ва сифат борасидаги устунлиги асосий омиллар бўлганини таъкидлади. 

Украина Миллий полицияси ўз хизмат фаолиятида кўпгина турли автомобил ишлаб чиқарувчиларнинг транспорт воситаларидан фойдаланади. Chevrolet Cobalt танлови ушбу автомобилнинг ўз сегментида юқори сифати ва ишончлилигининг яна бир тасдиғидир.