Porsche Panameraнинг янги версияси юз кмга 2,5 л ёнилғи сарфлайди

Porsche компанияси Panamera хэтчбеки иккинчи авлодининг гибрид модификациясини тақдим этди. Унинг номи Porsche Panamera 4 E-Hybrid.

“Порше Панамера”нинг энг юқори тезлиги соатига 140 км. “Бунча паст”, деб эътироз билдиришга шошилманг. Бу фақат электр режимидаги тезлиги. Ички ёнув двигателини ишга туширганда эса соатига 278 кмгача чиқади. Юз тезликка эришиши учун 4,6 сония зарур. Эслатиб ўтамиз: биринчи авлод хэтчбекининг тезлиги иккинчи авлодникидан 8 км/соатга камроқ.

Хэтчбекка 2,9 литрли, бензинли V6 битурбомотор ўрнатилган бўлиб, 136 от кучига эга. Электр моторида 136 отнинг кучи бор. Батареясининг сиғими 14,1 кВт•соатга тенг.

“Порше Панамера” электр режимида 50 км йўл боса олади. Аралаш режимда эса 100 км йўл босиши учун атиги 2,5 литр бензин керак бўлади.

Тежамкор хэтчбек келгуси йилнинг баҳоридан бошлаб Европада савдога чиқади.