Қадрдон УАЗ 75 ёшда
Жигарранг ёки кулранг туси билан кўзимизга таниш УАЗ 75 ёшга тўлди. Бу автомобилнинг турли модификацияларини халқимиз “раис УАЗ” (УАЗ-469), “буханка”, “сандиқча” (УАЗ-452), “ғир-ғир” (УАЗ-3303) дея номлаб олган. УАЗнинг 75 йиллик тўйида компания сайти тарихий суратлар галареясини тақдим этди.
Асли УАЗ туғилган куни 30 ноябрда нишонланади. 75 йиллик фаолияти мобайнида компания 250 модификациядаги 4,5 млндан ортиқ машина ишлаб чиқарди ва жаҳоннинг 130 мамлакатига экспорт қилди. Ҳозирги кунда олти русум ва уларнинг юзга яқин модификациясини чиқармоқда. Улар орасида УАЗ Патриот, УАЗ Пикап ва УАЗ Хантерлар бор.
Архив суратларида УАЗни Помир тоғлари этагида, Узоқ Шимол музликларида, Саҳрои Кабирда синовдан ўтказиш лавҳалари акс этган.