Қумдан ясалган кроссоверни учратганмисиз?
Учратмаган бўлсангиз Испанияга учишни маслаҳат берамиз. Барселонанинг Эл-Прат халқаро аэропортига ноёб ҳайкал ўрнатишди. У SEAT Ateca кроссоверининг қумдан ясалган нусхасидир. Испан ҳайкалтароши Серхи Рамирез бунинг учун 26 тонна қум сарфлади.
Қум-машина остига “Барселонада тайёрланган” ёзуви туширилган. Унинг ёнидан ҳар куни минглаб йўловчилар ўтади.
Эслатиб ўтамиз: SEAT Ateca кросоверининг намойиши Женева автосалонида ўтказилган. Кроссовер Volkswagen Tiguanнинг иккинчи авлодига тегишли бўлган MQB платформасида ясалган. 1 литрли бензинли версияси 116 от кучига эга. Ундан ташқари 1,4 литрли (150 от кучи) версияси мавжуддир. Шунингдек, 116, 150 ва 190 от кучига эга дизелли турлари ҳам бор.