Рестайлинг қилинган VW Amarok’га уч литрли турбодизель ўрнатилди

Volkswagen компанияси савдоси 2016 йил сентябридан бошланадиган, рестайлинг қилинган Amarok пикапини намойиш этди. Модель ҳажми уч литр бўлган янги V6 дизель турбомотор билан таъминланган.

Двигатель учта — 163 от кучи, 204 от кучи ва 224 от кучига эга талқинларда т таклиф этилади. Таққослаш учун, рестайлинггача бўлган ҳажми икки литрлик битурбо мотор 180 от кучини чиқариб бера олар эди, холос.

Янги мотор олти босқичли механик узатмалар қутиси ёки олти диапазонли “автомат” билан уйғунликда ишлай оларди. Volkswagen Amarok ҳам орқа, ҳам тўлиқ узатмали версияларда таклиф қилинади.

Янгиланган автомобиль нисбатан енгил Servotronic руль бошқарув тизими билан таъминланган, энг қиммат модификациясининг дисклари эса катталаштирилган, бундан ташқари, тормоз механизмлари ҳам янги.

Рестайлинг қилинган Amarok олд бамперининг бошқалиги, олд ва орқа чироқларининг бироз ўзгартирилгани, шунингдек, ускуналар панелининг янгилиги билан ўтмишдошидан фарқ қилади. Пикап 20 дюймли алюминий ғилдираклар, биксенонли асосий чироқлар, ёруғлик диодли кундузги чироқлар ва орқа томонни кўрсатиш камераси билан таъминланади.

Янги Amarok’нинг сотуви 2016 йил сентябридан бошланиши кутилмоқда. Дастлаб фақат энг қиммат модификацияси сотилади, қолган версиялар кейинроқ дилерларга етказиб берилади. Автомобилнинг нархи ҳозирча маълум қилинмаяпти.