Rolls-Royce 2016 йилда Wraith купесини янгилайди

Rolls-Royce компанияси Wraith купесининг янгиланган намунасини синовдан ўтказишни бошлади. Фотожосуслар унинг Германия йўлларида синовдан ўтказилаётганини камералари объективига муҳрлашди. IndianAutosBlog хабарига кўра, мазкур машина савдоси жорий йил охирига қадар бошланиши керак.

Янгиланган версия бошқача бампер, шакли ўзгартирилган ёруғлик диодли оптика ва янгича ғилдираклар диски билан таъминланган. Шу каби ўзгаришлар янгиланган Dawn моделида ҳам кўзга ташланади.

Автомобиль 6,6 литрли V12 твин-турбо двигателига эга бўлади. Бу эса унга 624 от кучини бахш этади. Агрегат 8 босқичли автомат тезлик узатмалар қутиси билан ҳаракатланади.

Эслатиб ўтамиз, 2015 йил ёзида Rolls-Royce компанияси Wraith купесининг махсус намунасини намойиш қилган эди. У St. James Edition номини олиб, бренднинг туркум тарзда ишлаб чиқарилган энг кучли автомобилига айланди. Модел ҳам 6,6 литрли V12 твин-турбо мотор билан таъминланган бўлиб, қуввати 632 от кучига тенг. Агрегат саккиз босқичли тезлик узатмалар қутиси билан биргаликда ҳаракатланади.