Rolls-Royce Phantom пикник тўпламига эга бўлди
Rolls-Royce компанияси ўзининг Phantom туркумига кирувчи Zenith моделини Bespoke деб номланган пикник тўплами билан жиҳозлади.
Ушбу серия Phantom купеси ва Drophead кабриолетидан ташкил топган. Иккала моделдан жами 50 дона ишлаб чиқарилади.
Ҳар бир Bespoke тўплами идентификацион рақам билан таъминланади. Қутининг корпуси Американча каштан дарахтидан ясалган ва текстурали табиий тери билан қопланган.
Ҳар бир моделнинг юкхонасига ичимлик учун совутгич, қадаҳлар учун ойнаванд полка, шампань виновси учун тутқич ва иккита чарм ўриндиқ ўрнатилган. Шу билан бирга тўпламга бир қатор қимматбаҳо материаллардан ишланган бошқа жиҳозлар ҳам киради.
Айни вақтда Rolls-Royce компанияси янги авлод Phantom автомобилини синовдан ўтказишни бошлаган. Унинг дебюти 2017 йилда ўтказилиши кутилмоқда.