Россия ва Аргентина ҳамкорликда троллейбус ишлаб чиқаради
Россиянинг троллейбус ишлаб чиқарувчи “Тролза” компанияси Аргентинанинг Benito Roggio Ferroindustrial компанияси билан ҳамкорлик шартномасини имзолади.
Йиғиш ишлари Аргентинанинг Кордова шаҳри яқинида амалга оширилади. Ҳозир компания троллейбус тармоқларини йиғиш учун давлат буюртмасини олиши керак. Аргентинанинг камида 15 шаҳрида мазкур экологик транспортни ривожлантириш истиқболи бор.
Ҳозирги кунда Россия троллейбуслари Аргентинага экспорт қилинмоқда. Кордова ва Росарио шаҳарларига троллейбуслар етказиб берилди.