Россияда энг машҳур Европа русумлари аниқланди

Жорий йилнинг бошланғич икки ойи натижаларини ҳисоб-китоб қилиб, Россия Федерациясида энг талабгир бўлган “европалик” автомобиллар рўйхати тузилди. Аниқланишича, россиялик харидорлар Renault Duster автомобилини барчасидан афзал кўришар экан.

Ўтган икки ой мобайнида 6800 дона Renault Duster сотилган. Иккинчи ўринда Volkswagen Polo русуми. Европанинг ўзида ҳам ўта оммалашган бу машинани 4260 россиялик харид қилган.

Учинчи ўринда ҳам французлар ишлаб чиқарган Logan русуми бўлиб, 3800 нусха харидорини топган. Шунингдек, “харидоргир ўнлик”дан Renault Sandero (3230), Skoda Octavia (2519), Rapid (2457), Volkswagen Tiguan (1288), Jetta (1258), Skoda Yeti (969), Mercedes GLC-синф (923) ўрин олган.