Россияда Ravon машиналарининг нархи кўтарилди
Ravon брендининг Россиядаги расмий сайтида ушбу бренд остида ишлаб чиқарилувчи барча машиналарнинг нархи ошгани кўрсатилган прайс-лист жойлаштирилди, деб Kun.uz ёзмоқда.
Жумладан, R2 хетчбэки (Spark) янги нархлар бўйича 469 мингдан 539 минг рублгача, Ravon Nexia эса 479 мингдан 579 минг рублгача, Ravon Gentra эса 629 мингдан 809 минг рублгача сотилиши кўрсатилган.
Жорий йилнинг 31 декабригача R2 ва Nexia машиналарини 10 мингдан 30 минг рублгача чегирма билан сотиб олиш мумкин. Аввал Nexia’нинг нархи 419–569 минг рублни ташкил қилган.