Рязанда йўлдаги чуқурча ва кўлмакка оқ чизиқ тортишди

Ижтимоий тармоқда Рязан областидаги Қосимов райони йўлсозларининг иши акс этган сурат яшин тезлигида тарқалиб кетди. Фотосурат биринчи бўлиб “ВКонтакте” тармоғидаги маҳаллий аҳолининг гуруҳига жойланди.

Суратдан кўриниб турибдики, йўл белгиларини чизувчи хизматчилар кўлмак ёки чуқурчани фарқламасдан бамайлихотир оқ чизиқ тортишган. Ҳаттоки, оқ бўёқ кўлмакдаги лойқа сув рангини ҳам ўзгартирган.

Дарвоқе, бундай ҳолат биринчи марта юз бераётгани йўқ. Аввалроқ, Тулада йўл четидаги чангга ишора белгисини қўйишгани қизғин муҳокамаларга сабаб бўлган эди.

Сиз ҳам шунга ўхшаш ҳолатларни учратсангиз бизга хабар беринг ва суратини йўллашни унутманг.