Skoda компанияси ташкил этилганига 120 йил тўлди

Қароргоҳи Чехияда жойлашган таниқли Skoda автомобилсозлик компанияси иш бошлаганига декабрь ойида 120 йил тўлди. Ўтган муддат ичида чех компанияси дунё автомобилсозлари ичида ўз ўрнини топди. Компанияда 26 мингдан ортиқ ходим ишлайди.

1895 йил декабрида велосипед тузатувчи кичик устахонада Skoda маркасига асос солинган. Кейинчалик велосипеддан мотоцикл тузатишга ўтди. 1905 йилга келиб биринчи Voiturette A автомобилини ишлаб чиқарди. Бугунги кунда 100дан ортиқ мамлакатда чех компаниясининг профессионаллигини тан олишади.

Ҳозирда Чехиядан ташқари, Россия, Ҳиндистон, Хитой, Украина, Қозоғистон сингари давлатларда ҳам Skoda заводлари жойлашган.

Ҳозирги кунда чех компанияси енгил автомобиллардан ташқари юк машиналари, автобуслар, авиация двигателлари, қишлоқ хўжалиги машиналари чиқаради.

Шкода Авто университети компания учун мутахассислар етиштириб беради.

Икки ой муқаддам Skoda илк автомобилини ишлаб чиқарганига 110 йил тўлгани тўғрисида хабар берган эдик.