Сўнгги манзилга элтувчи ҳашамли катафалк
Италия кузов-ательеси Ellena премиум даражадаги Maserati Ghibli спорткарини ҳашамли… тобут-машинага айлантирди.
Катафалкка G 3.0 Eleganza e Personalita номи берилган. Италиялик муҳандисларнинг айтишича, у сўнгги манзилига ҳам чиройли уловда кетишни истаган ашаддий автомобиль фанатларига мўлжалланган.
Тобут-машина 3 литр ҳажмдаги 330 от кучига эга V6 турбомоторли Maserati Ghibli моделининг сўнгги версияси базасида тайёрланган. Албатта, бундай мотор қабристонга етиб бориш учун кифоя қилса керак (ҳазил).
Катафалк йирик ўлчамларга эга бўлишига қарамасдан, ателье ходимлари унда Италия автомобилларига хос бежиримликни сақлай билишган.