"Tesla" ҳақидаги мишмишлар: 2019 йилги дахшатли автоҳалокатга нима сабаб бўлганди

2019 йил, 25 апрель санасида кеч соат 9:00 ларда  Флорида штати йўлларидан бирида автопилотда бўлган ¨Tesla Model S¨  тўхтаб турган ¨Chevrolet Tahoe¨ни уради ва натижада 22 ёшли Наибел Бенавидес исмли қизнинг ўлимига сабаб бўлади. Маълумотларга кўра,  44 ёшли Мк.Геэ ўзининг ¨Tesla Model С¨ русумли машинасини автопилот ҳолатида ҳайдаб келаётган бўлган.  Йўлда у телефонда гаплашиб келаётиб телефонини ўчирган ва унга қараш учун эгилганда ҳалокат содир бўлган. Мк.Геэ ҳам, автопилот ҳам йўл тугаб қизил чизиқни кесиб ўтишганини пайқамаган ва натижада Tahoeга қаттиқ урилган. Tahoe ичида йигит ва қиз бўлган. Tesla ҳайдовчисига шикаст етмаган ва у машинадан тушиб ҳушсиз йигитни кўрган, лекин қизни пайқамаган. Қизнинг жасади эса 25 метр узоқликдан топилган.  Ҳолат сабабларини аниқлашда шу маълум бўлдики, машина бошқарувида технологияларга ортиқча боғланиб қолиш фожеавий ҳалокатларга олиб келиш мумкин. Бу воқеалар Teslaнинг автопилот тизими ҳақида шубҳалар уйғота бошлади. Маълумотларга кўра, 2018 йилдан бери Teslaнинг 11 марта полиция, ўт ўчириш ва бошқа хизмат машиналарига урилиши билан боғлиқ ҳолатлар қайд этилган. Улардан бирида Tesla 2019 йилда юк машинасига урилган ҳайдовчини жароҳатланиб, машина ичидаги йўловчи ичидаги ҳалок бўлган. Бундан ташқари, бу йил Калифорниялик жуфтлик Teslaни 15 ёшли ўғлининг автоҳалокатда ўлганлиги учун судга берди. Расмий ташкилотлар маълумотларига кўра, машиналар автопилотда вақти содир этилган 24 та ҳалокат қайд этилган ва улардан 10 таси ўлим билан тугаган.  Мутахассисларнинг фикрича, автопилотга кўп ишониш ҳайдовчини чалғитиши оқибатида кўплаб ҳалокатлар содир бўлмоқда. Баъзи мутахассислар Тесла автопилотининг ишончли эмаслиги ҳақида фикрлар билдирган, Элон Маск эса ўзига берилган саволларни жавобсиз қолдирмоқда.