Toyota Corolla 50 ёшга тўлди

Япон компанияси энг серхаридор русум “Королла”нинг 50 йиллик тўйини нишонламоқда. Тойота 1966 йилда тақдим этган Corolla автомобили жамики қитъаларда, жумладан, Австралияда ҳам ишлаб чиқарилади. Ҳозирга қадар 44 млн нусха сотилган.

“Королланинг тўйи” бренднинг барча йиғув заводларида нишонланяпти. Энг биринчи русум “халқ автомобили” деб номланган бўлиб, инженерлар машинани содда ва қулай ясаган.

Кузови ихчам, декоратив панеллари кам, салони кенг-мўллиги муваффақиятининг омили ҳисобланган. 1966 йилдан 1969 йилгача “Тойота Королла” Японияда энг харидоргир автомобиль саналган. 1968 йилдан АҚШда ишлаб чиқарила бошланган.