Toyota ногиронлар аравачасини ишлаб чиқаришга ёрдам кўрсатади
Toyota компанияси ва америкалик кашфиётчи, Segway гироскопи ўрнатилган электр-самокат муаллифи Дин Кейменнинг DEKA фирмаси иккинчи авлод iBOT ногиронлар аравачасини яратиш йўлидаги саъй-ҳаракатларини бирлаштиришга қарор қилди. Бу ҳақда Paralyzed Veterans of America хайрия ташкилотининг 70-конференциясида эълон қилинди.
Эълон биргаликда компания iBOT 2’нинг прототипи суратини ҳам намойиш этди. “Тойота” бу лойиҳада айнан қайси йўналишда қатнашиши ва аравача қачон савдога чиқарилиши номаълум. 2014 йили Кеймен янги аравача кейинги уч йил давомида тайёрланишини айтиб ўтган эди.
Кеймен 2000 йилларнинг бошида iBOT’ни кашф этган. Аравачанинг ўзига хослиги шундаки, унда гироскоплар, кўплаб электр бошқаргичлар ва бир-бирининг устида турадиган икки жуфт ғилдирак бор. Ғилдираклар аравача эгасига зина бўйлаб ҳаракатланиш имконини берадиган даражада ҳолатини ўзгартира олади. Қиймати 25 минг долларга баҳоланган iBOT’нинг савдоси ўхшамаганидан сўнг, Кеймен иккинчи авлод ўриндиғини яратишга киришган эди.
BMW компанияси 2016 йили АҚШ паралимпия терма жамоаси учун пойга аравачасини тайёрлади. Спортчилар Рио-де-Жанейрода бўладиган 2016 йилги ёзги Паралимпия ўйинлари давомида фойдаланиши мумкин бўлади.