Туркия автомобилсозлари Ўзбекистонга келади
Келгуси ҳафта Туркия автомобилсозлик соҳаси вакилларидан иборат делегация мамлакатимизга ташриф буюриши кутилмоқда.
9-12 ноябрь кунлари Туркия иқтисодиёт Вазирлиги экспорт Бош бошқармаси бошлиғи Вейсал Парлак раҳбарлигидаги делегация юртимизда меҳмон бўлади.
Ташриф доирасида «Ўзавтосаноат» компанияси ва Ўзбекистон Савдо-саноат палатаси ҳамкорлигида семинар ва бизнес-форум ўтказилиши режалаштирилган. Делегация аъзолари “СамАвто”, », JV MAN Auto-Uzbekistan, GM Powertrain Uzbekistan каби корхоналар фаолияти билан танишади, шунингдек, Auto&Parts Uzbekistan 2015 кўргазмасида иштирок этади.
Туркия автосаноати тараққий этган мамлакатлардан ҳисобланади. Мамлакат иқтисодиётида автомобилсозлик сектори 1950-60 йиллардан бошлаб ривожланган бўлиб, ҳозирда Туркия автомобиль ишлаб чиқариш бўйича жаҳонда 17-, Европада эса 7-ўринни эгаллайди.