Украиналик ҳаваскорлар қўлбола суперкар ясади

Мазкур суперкар ҳақиқийсидан фарқ қилмайди. У қайта ишлаш натижасида пайдо бўлмади, йўқдан бино қилинди. Дарвоқе, у анъанавий суперкарга ўхшамайди.

Уни ясаш ишлари анча олдин бошланган. 2011 йилда 30 минг долларга сотмоқчи бўлишганда ҳали қиёмига етмаган эди. Бугун эса, табиийки, анча қимматга сотиш мумкин.

Журналистлар автомобилга “қўлбола нарсаларнинг энг баҳайбати” дея тавсиф берди. Суперкарга “Валентина” номи берилди.

Уни яқиндан кўрганлар қўлда ясалганлиги учунми, каттакон ўйинчоққа қиёслашди. Аммо муаллифлар машинанинг бу жиҳатини ўзига хос жозибаси дея атамоқда.

Услубига кўра суперкар McLaren SLRни эслатади. Тўрт литрли бензинли двигатель, механик қути ўрнатилган. Тўла узатмали. Кўпгина қисмларини BMW мутахассислари тайёрлаган.

Икки эшикли машина салонида икки кишига жой бор.