ВАЗ-2101 автомобили ҳақида фактлар

Ҳозир ҳам кўчаларимизда бамайлихотир кезиб юрган бу камтарона русумли автомобилни айримлар “бир тийинлик” (копейка) деб аташади. Эътиборингизга 01 тўғрисидаги 10 фактни ҳавола этамиз.

1. ВАЗ-2101нинг прототипи 1965 йилда “Йил автомобили” номини олган Fiat 124R эди.
2. Совет мутахассислари Фиатга киритган ўзгартиришларининг сони 800дан ошади. Айниқса, совет мутахассислари машина тубини ердан баландроқ қилиб ишлашга қаттиқ аҳамият берган, италияликлар ажабланганча, “мамлакатингизга йўл қуриш мақсадингиз борми?” – дея савол берган :).
3. Орқа тормоз диски ейилиб кетаверганидан барабанлисига алмаштирилган.
4. Даставвал, ВАЗ-2101нинг килограммини 1 рублдан сотиш мўлжалланган. Бунда машина нархи 1000 рублдан сал ошади. Аммо аҳоли чўнтагидаги мўмай маблағни чамалаб 5300 рубль баҳо белгиланган.
5. “Жигули” сўзи Европа тилларида беҳаё мазмунни ифодалагани сабабли экспортга чиқарилаётган автомобилларга ЛАДА номини берилган.
6. Шунга қарамасдан барибир тушунмовчилик сақланиб қолган. ЛАДА сўзи венгерчада “сандиқ” маъносини англатади.
7. 1971 йилдан бошлаб ВАЗ-2101 спорт мусобақаларида иштирок эта бошлаган ва “Волга” ва “Москвич”ларни чангида қолдириб кетган.
8. Москванинг Привольная кўчасида “ноль бир”га ёдгорлик ўрнатилган. Мармар супада машинанинг ўлчамига тенг “копейка” ўрнашган бўлиб, “Лада Фаворит” компанияси номи қайд этилган.
9. “Рулда” (“За рулем”) журнали 2000 йилда ўтказган сўровномага кўра ВАЗ-2101 Россиянинг юз йилликдаги автомобили деб топилган.
10. “Холдинг ИНКОТЕКС” компанияси 1:43 миқёсда моделларни ишлаб чиқаряпти. Остига “СССРда ишлаб чиқарилган” муҳри қўйилган. Моделлари: “ГАИ” (сариқ рангли), “Ралли” (кўк), “Ўқув машқи” (оқ), “Россия почтаси”, “Стандарт” (яшил), “юкхонали” (яшил ва кўк) ва “Такси” (сариқ).